ZIYARA KASAR  NIJAR: ME YA SA GIDAN TALABIJIN  NA NTA NA KASA YAYI  WA MASARI  HAKA?

0
363

ZIYARA KASAR  NIJAR: ME YA SA GIDAN TALABIJIN  NA NTA NA KASA YAYI  WA MASARI  HAKA?

Daga  tasakar  labarai

A  jiya talata 18/12/2018  kasar  Nijar tai bukin cika  shekaru sittin da zama kasar, kasaitaccen bukin ya samu  halartar shugaban kasa  Muhammadu Buhari tare da wasu  mukarabban gwamnatin tarayya  cikinsu har da gwamnoni  da ga tarayya Najeriya guda hudu.

Cikin  gwamnonin  harda  gwamnan  Katsina Alhaji Aminu Bello Masari, an yi  buki  kasaitacce kuma an yi ma shugaban kasa  gagarumar taraya ta mutumci.

wani abin ban haushi da takaici da ya faru  wanda  ke  bukatar bincike da tamabaya shi ne yadda kafar tashar  talabijin ta NTA kin nuna  hoton gwamnan Katsina cikin  bakin da suka halarta.

gidan talabijin na NTA  sun yi labarai  kashi-kashi suna nuna baki daga Nijeriya da suka je tare da shugaban kasa, sun nuna kusan duk  tawagar amma da sun zo  wajen da  gwamnan Katsina  ya ke sai su dauke kamarar.

Gidan na talabijin sun kuma yi hira da duk gwamnonin da  suka raka shugaban kasa amma ban da gwamnan  na Katsina kamar yadda suka nuna har da maimaitawa.

Hatta  wajen  yanka kek na cikar kasar  wadannan  shekarun an nuno duk gwamnonin  ban da gwamnan Katsina ko me yasa  NTA  suka yi haka?

Duk wanda ya kalli labaran da NTA  suka nuna zai dauka tafiyar ba a yi ta tare da gwamnan Katsina ba, amma dan  Katsina da wanda yaje wajen ne kawai zai san cewa  gwamnan yaje  kasar  Nijar daga  Katsina da tawaga  mai  karfin gaske cikinsu har da sakataren gwamnati, da  hamshakin dan  kasuwar  nan Alhaji Dahiru Bara’u Mangal.

Binciken Taskar labarai ya jiwo wasu dalilan hakan wanda  jaridar bata tabbatar ba. Shi ya sa bata kawo su ba.
Mun aika wa Femi Adeshina kakakin shugaban kasa wanda  yana a wajen har hira dashi NTA sun yi, akan me  yasa  hakan har zuwa rubuta rahoton basu  bada amsa ba.
———————————————————————————-
Taskar   labarai jarida ce  mai cikakkiyar  rijista  da ke  bisa   yanar gizo na  www.taskarlabarai.com  da kuma shafukan sada zumunta na facebook da Twitter da Instagaram da  Youtube  da layin whatsapp  07043777779

LEAVE A REPLY

Please enter your comment!
Please enter your name here