Tsohon kwamishina ya zama dan takarar APC a zamfara

0
132

Shuaibu Ibrahim daga Gusau

Tsohon kwamishinan kananan hukumomi a Zamfara, Alhaji Bello Dankande, ya zama dan takarar jam’iyyar APC (All Progressives Congress) a zaben cike gurbi a yankin Bakura.

Hukumar Zabe Mai Zaman Kanta ta Kasa (INEC) ta sanya watan Goma don gudanar da zaben cike gurbin, bayan rasuwar Alhaji Tukur Jekada Birnini Tudu, mamba mai wakiltar mazabar Bakura a majalisar dokokin jihar zamfara.

Cikin wadanda suka tsaya takarar akwai Alhaji Saidu Danbala da Alhaji Lawal Birnin tudu Wanda suka janye daga takarar, suka bar tsohon kwamishinan a matsayin dan takara daya tilo.

Shugaban Kwamitin Zabe na fidda gwani wanda Kwamitin Ayyuka na Kasa na APC, Umar Lawan ya nada, ya shaida wa manema labarai a ranar Alhamis a Gusau cewa an bi hanyoyin da suka dace yayin zabukan.

“‘ Yan takara hudu sun nuna sha’awarsu ta tsayawa takarar a zaben fidda gwani amma dan takarar da kwamitin tantancewar ya hana shi takara daga Hedikwatar Kasa.

“Muna da‘ yan takara uku da suka cancanta su fafata a zaben fitar da gwani.

“Dangane da tsarin mulki na babbar jam’iyyarmu, ana yin zaben fidda gwani ta hanyoyi guda uku, ko dai kai tsaye, ko kuma yarjejeniya.

“Mun bai wa‘ yan takarar uku lokaci su je su tattauna da masu ruwa da tsaki ta yadda za su iya fito da dan takara daya.

“Muna farin ciki biyu daga cikin yan takarar uku, Alhaji Saidu Danbala da Alhaji Lawal Birnin tudu sun sanar da janyewa daga zaben fidda gwanin.

“Na yaba musu saboda sadaukarwar da suka yi don tabbatar da zaman lafiya, hadin kai, da kuma nasarar jam’iyyar, Ina kuma yaba wa shugabancin jam’iyyar a jihar karkashin jagorancin Alhaji Lawal Liman.

“Tun lokacin da muka zo jihar don wannan aiki, mun hadu da masu ruwa da tsaki na jam’iyyar kuma ina yi musu godiya kan irin goyon bayan da suke ba mu don ciyar da jam’iyyar gaba a jihar,” in ji shi.

Ya gargadi mutanen jihar game da damfara ta siyasa, inda ya bukace su da su kasance masu bin doka don zaman lafiya ya yi mulki a kowane lokaci.

A nasa tsokaci, Dankande ya godewa yan takarar biyu da suka sauka a gareshi tare da alkawarin yin aiki tare dasu da dukkan masu ruwa da tsaki na APC a Bakura domin nasarar jam’iyyar.

LEAVE A REPLY

Please enter your comment!
Please enter your name here