Rundunar ‘yan sandan jihar Anambra a ranar Asabar ta cafke wata mata Mrs Onwanna Nnanna bisa zargin tura Mai mata hidima ‘yar shekara 14 mai suna Ijeoma Nwafor daga wani gini mai hawa hudu.
A cewar rahotanni, lamarin ya faru ne da yammacin ranar Asabar, 2 ga watan Yuli, 2022, a Otu Street, Awada, Onitsha.
Wacce aka turo ta tsallake rijiya da baya, amma ta samu munanan raunuka kuma a halin yanzu tana karbar magani a wani asibiti da ba a bayyana ba.
Kakakin rundunar ‘yan sandan jihar, Tochukwu Ikenga, da ya ke bayar da labarin faruwar lamarin ya bayyana cewa, binciken farko da aka gudanar ya nuna cewa, Onwanna ta yi amfani da shi wajen cin zarafin yarinyar a duk wata ‘yar karamar damar da ta samu.
Ikenga ya ce: “Rundunar ‘yan sandan jihar Anambra da misalin karfe 4 na yamma a ranar 2/7/2022 sun kama wata Mrs Onwanna Nnanna (F) mai shekaru 29 daga Nando, Anambra ta Gabas a wani lamari na yunkurin kisan kai da ya faru a Otu street, Awada, Onitsha. .
“Bayanin farko sun nuna cewa wanda ake zargin, mai suna Ijeoma Nwafor (F) mai shekaru 14, ‘yar asalin Achalla ce ta ture ta daga wani bene mai hawa hudu lokacin da take dukanta. in ji PPRO.
